Basi mkiwa mmefufuliwa pamoja na Kristo, yatafuteni yaliyo juu Kristo aliko, ameketi mkono wa kuume wa Mungu.
Wakolosai 3:1
Ninakukaribisha tena kwa imani,twende tujifunze pamoja neno la uzima.Kwani ni nguvu na ni afya yetu ya kiroho. Na kristo atuwezeshe kupitia Roho mtakatifu
amina.
Msingi wa fundisho la leo ni ?
YAFUATENI AU YAPANIENI YALIYO JUU.
Katika somo lililopita tulijifunza kuweka nia au lengo kabla ya kutenda,na leo tutaona kufuata au kupania.
BASI YAFUATENI¡¡}》》》》》
Neno hili tukiliangalia kwa undani lina maana kubwa sana ni kama kusema,tazameni,shikilieni,fuateni,ishini au YAFUATENI YALIYO JUU
Mfano mzuri wa kufuata yaliyo juu
unaweza kuwa maisha ya Yesu Kristo. Biblia inatueleza jinsi Yesu alivyokuwa mfano wa ukamilifu na jinsi alivyofuata yaliyo juu katika maisha yake.
katika Biblia,inatoa maelezo juu ya imani na utakatifu wa Yesu Kristo. Mistari mingi inathibitisha kwamba Yesu ni mkamilifu katika asili yake na vitendo vyake.
Kwa mfano,
2 Wakorintho 》》 5:21 inasema, "Yeye asiyejua dhambi alimfanya kuwa dhambi kwa ajili yetu, ili sisi tupate kuwa haki ya Mungu katika Yeye." Hii inaonyesha kwamba Yesu, ambaye hakutenda dhambi, alikubali kuwa dhambi kwa niaba yetu ili tuweze kupata haki ya Mungu katika yeye.
1 Petro 2:22 》》Yeye hakutenda dhambi, wala hila haikuonekana kinywani mwake. Inaelezea Yesu kama mtu ambaye "hakutenda dhambi, wala hila haikuonekana kinywani mwake." Hii inashuhudia ukamilifu wake na ukweli wake katika maisha yake.
Waebrania 4:15 》》kwa kuwa hamna kuhani mkuu asiyeweza kuchukuana nasi katika mambo yetu ya udhaifu; bali yeye alijaribiwa sawasawa na sisi katika mambo yote, bila kufanya dhambi.
Yesu alionyesha kumcha Mungu kikamilifu, akimtii na kumtegemea Baba yake wa mbinguni. Alikuwa na uhusiano mzuri na Mungu na alitafuta mapenzi ya Mungu katika kila hatua ya maisha yake.
Pia, Yesu alitenda haki katika maneno na matendo yake. Alitetea haki za watu walioonewa, aliwaponya wagonjwa, akawasaidia maskini, na kuwafundisha wengine kuishi maisha ya haki na huruma.
Yesu pia aliishi kwa upendo na kujitoa kwa wengine. Alikuwa na moyo wa huduma, akiwahudumia wengine bila ubaguzi au unafiki. Aliwafundisha wafuasi wake kupenda na kusamehe, na hata aliwapenda adui zake.
Kwa hiyo, mfano wa kufuata yaliyo juu ni kuiga maisha ya Yesu Kristo kwa kumcha Mungu, kutenda haki, na kuwapenda na kuwahudumia wengine kwa upendo. Hii inatuhimiza kuishi maisha yetu kwa njia ambayo inamtukuza Mungu na kuleta baraka kwa wengine.
IKIWA MMEFUFULIWA PAMOJA NAYE
Wakolosai 2:12》》Mkazikwa pamoja naye katika ubatizo; na katika huo mkafufuliwa pamoja naye, kwa kuziamini nguvu za Mungu aliyemfufua katika wafu.
Wakolosai 2:12
Mstari huu unaelezea umuhimu wa ubatizo kwa Wakristo. "Mkazikwa pamoja naye katika ubatizo" inamaanisha kwamba Wakristo wanashiriki kifo cha Yesu Kristo kwa njia ya ubatizo. Wakati tunabatizwa, tunashiriki katika kufa na kuzikwa pamoja na Kristo.
Aidha, mstari unaendelea kusema "na katika huo mkafufuliwa pamoja naye." Hii ina maana kwamba baada ya kushiriki kifo cha Kristo kupitia ubatizo, sisi pia tunashiriki katika ufufuo wake. Tunahesabiwa kuwa wamefufuka pamoja naye na tunaishi maisha mapya katika imani yetu kwa nguvu ya Mungu aliye mfufua Kristo kutoka kwa wafu.
Kwa hiyo, mstari huu unasisitiza umuhimu wa imani yetu katika kifo na ufufuo wa Yesu Kristo. Ubatizo ni ishara ya kiroho ambayo tunashiriki katika kifo, maziko, na ufufuo wake. Kupitia imani yetu katika nguvu ya Mungu, tunakuwa sehemu ya kazi ya wokovu ya Kristo na tunaishi maisha mapya katika imani hiyo.
JE TUNAJIFUNZA NINI KWA SOMO HILI?👇
Tunajifuza leo ikiwa kama mkristo leo na umesamehewa dhambi,na umeungana katika umoja pamoja na kriso. Unasababu kubwa leo ya kumfuata Yesu kama kielellezo . Mara kwa mara neno la Mungu linatuelekeza katika mapenzi ya kristo kule aliko. Tulipokuwa wafu wa dhambi tulitembe bila uhai na daima tuliangalia chini tu katika mabo ya duniaani,kutimiza mapenzi na tamaa mbaya za ulimwengu huu na kuufuata bila kujua unatuongoza katika shimo la mauti ya milele. Hivyo basi Yesu alipokuja alikuja kutufufua,kutuhuisha tena na kuinua maisha yetu yatazame kwa juu. Tunapopata msamaha wa dhambi maisha yetu yanabadilika mtazamo wetu,na nyuso pamoja na mwelekeo na nia zetu zinaelekezwa kwake. Na tunaanza kufuata njia inayoelekea katika uzima yaani mbiguni kule aliko Yesu.
 |
Comments